Í dag hófst Evrópumeistaramót U18 ára landsliða en leikið er í A-deild í Vilnius, Litháen og í B-deild í Tel Aviv, Ísrael að þessu sinni.

Lið Svía er eina norðurlandaliðið í A-deild á mótinu en Finnar og Danir eru í B-deild. Ísland lék gegn öllum þessum liðum á NM núna í maí og léku íslensku strákarnir um þriðja sætið gegn Finnunum sem tapaðist með einu stigi.

Hægt er að fylgjast með beinni tölfræði á netinu á heimasíðu mótsins fyrir báðar deildir á slóðinni www.fibaeurope-u18men.com.

Nú er einnig í gangi EM U20 ára liða kvenna og hægt er að horfa á leiki í mótinu beint á netinu hér á síðu kki.is undir www.kki.is/fibaeuropetv.asp og einnig á netsjónvarpssíðu FIBA, www.fibatv.com.

Móti U20 karla er nýlokið en þar voru það Frakkar sem sigruðu Grikki í úrslitaleik.