Jón Bender í eftirliti fyrir FIBA í kvöld

10 jan. 2024Jón Bender, eftirlitsmaður FIBA, verður með verkefni í kvöld í EuroCup Women þegar hann verður á leik Lointek Gernika Bizkaia frá Spáni gegn London Lions Group Limited. Leikurinn fer fram í Gernika-Lumo, á heimavelli Lointek. Þetta er fyrri leikur liðanna í 16-liða úrslitunum en liðið sem stendur betur að vígi eftir leiki heima og að heiman fer áfram í 8-liða úrslitin. Leikurinn hefst kl. 20:00 að íslenskum tíma og verður í beinu streymi á heimasíðu keppninnar. Dómari leiksins kemur frá Póllandi og meðdómararnir frá Frakklandi.Meira

Íþróttamaður ársins: Elvar Már í 6. sæti í kjörinu

5 jan. 2024Í gærkvöld fór fram kjör og verðlaunahátíð á Íþróttamanni ársins, þjálfara ársins og liði ársins 2023 sem haldin var hátíðleg á Hótel Nordica. Elvar Már Friðriksson endaði í 6. sæti í kjörinu á lista yfir íþróttamenn á topp 10 listanum, Pavel Ermolinskij varð í 3. sæti í kjörinu um þjálfara ársins og lið Tindastóls varð einnig í 3. sæti í kjörinu um lið árins. Um leið og við óskum sigurvegurum til hamingju þá óskum við okkar fólki innilega til hamingju með sinn árangur. Það voru þau Friðrik Pétur Ragnarsson faðir Elvars Más og Inga Fríða Guðbjörnsdóttir móðir Söru Rúnar sem tóku við viðurkenningum fyrir þeirra hönd vegna kjörs á Körfuknattleiksfólki ársins. Hægt er að lesa um sögu körfuknattleiksmanna í kjöri íþróttamanns ársins á kki.isMeira

Kjör á íþróttamanni ársins, liði ársins og þjálfara ársins í kvöld

4 jan. 2024Kjör samtaka íþróttafréttamanna og ÍSÍ á Íþróttamanni ársins fer fram í kvöld 4. janúar og verður hófið í beinni útsendingu á RÚV kl. 19:35. Áður en útsending hefst verður fyrri hluti hófsins þar sem íþróttamenn ársins hjá hverju sambandi fá sínar viðurkenningar en það voru þau Sara Rún Hinriksdóttir og Elvar Már Friðriksson sem voru Körfuknattleiksfólk ársins 2023. Sýnt verður frá seinni hlutanum en þá er kjörið á topp 10 kunngjört og á íþróttamanni ársins, en einnig eru veitt verðlaun til lið ársins og þjálfara ársins. Meira

Þjálfaranámskeið á næstunni

3 jan. 2024Opnað hefur verið fyrir skráningu á KKÍ 1B og KKÍ 2B. Frekari upplýsingar um námskeiðin má finna með því að smella á fréttina.Meira

Körfuknattleiksfólk ársins 2023 · Sara Rún og Elvar Már kjörin best

20 des. 2023Sara Rún Hinriksdóttir og Elvar Már Friðriksson hafa verið valin körfuknattleikskona og körfuknattleikskarl ársins 2023 af KKÍ. Þetta er í 26. skipti sem valið er tvískipt milli karla og kvenna eða allt frá árinu 1998. Körfuknattleikskona og karl ársins eru valin í kosningu af stjórn og starfsmönnum KKÍ, afreksnefnd KKÍ og landsliðsþjálfurum. Bæði voru þau ríkjandi Körfuknattleiks karl og kona síðasta árs. Elvar Már er nú að fá tilnefninguna í þriðja sinn og Sara Rún er að hljóta nafnbótina í fjórða sinn og fjórða árið í röð. Níu karlar fengu atkvæði og ellefu konur.Meira

NIÐURSTAÐA AGA- OG ÚRSKURÐARNEFNDAR KKÍ 13 DESEMBER 2023

14 des. 2023Aga- og úrskurðarnefnd hefur komist að niðurstöðu í tveimur agamálum sem henni hafði borist til úrlausnar.Meira

EuroCup Women: Rúnar Birgir og Davíð Tómas með verkefni í desember

13 des. 2023Þeir félagar, Davíð Tómas Tómasson, FIBA dómari, og Rúnar Birgir Gíslason, FIBA eftirlitsmaður, verða með flott verkefni fyrir FIBA á næstu dögum. Um er að ræða leiki í 32-liða úrslitum EuroCup Women en sigurvegarar leikjanna fara áfram í 16-liða úrslitin. Fyrst verður Davíð Tómas með leik í annað kvöld 14. desember þar sem hann verður aðaldómari leiksins en það er leikur í milli Kangoeroes Basket Mechelen frá Belgíu og Lointek Gernika Bizkaia frá Spáni, en leikið er í Mechelen í Belgíu. Meðdómarar hans koma frá Frakklandi og Írlandi og eftirlitsmaðurinn frá Danmörku. Davíð Tómas og Rúnar Birgir verða svo saman á ný líkt og nýverið með leik saman þann 21. desember þegar þeir fara til East Kilbride rétt fyrir utan Glasgow í Skotlandi og verða á leik Caledonia Gladiators og NKA Universitas PEAC frá Ungverjalandi. Með þeim verður aðaldómarinn frá Grikklandi og meðdómari hans og Davíðs kemur frá Lettlandi. KKÍ óskar þeim félögum Rúnari Birgi og Davíð Tómasi góðs gengis í sínum störfum.Meira

NIÐURSTAÐA AGA- OG ÚRSKURÐARNEFNDAR KKÍ 30 NÓVEMBER 2023

1 des. 2023 Aga- og úrskurðarnefnd hefur komist að niðurstöðu í agamáli sem henni hafði borist til úrlausnar.Meira

EuroCup Women: Rúnar Birgir og Davíð Tómas saman að störfum í kvöld

29 nóv. 2023Í kvöld fer fram leikur London Lions Group Limited og Rutronik Stars Keltern frá Þýskalandi í EuroCup Women sem er ekki frásögu færandi nema fyrir þær sakir að þar mun Ísland eiga tvo fulltrúa. Þeir félagar Davíð Tómas Tómasson, FIBA dómari, og Rúnar Birgir Gíslason, FIBA eftirlitsmaður, verða saman að störfum í leiknum í kvöld sem fram fer í Copper Box Arena í London. Rúnar Birgir verður eftirlitsmaður leiksins en Davíð Tómas verður að þessu sinni aðaldómari leiksins og meðdómarar hans verða þau Emma Perry frá Írlandi og Petr Blahout frá Tékklandi.Meira

Subway deild kvenna | Þór Ak.-Keflavík frestað

22 nóv. 2023Leik Þórs Ak. og Keflavíkur í Subway deild kvenna sem er á dagskrá í kvöld hefur verið frestað eftir að flugi norður var aflýst. Unnið er að því að finna nýjan leikdag.Meira