25 mar. 2019Úrslitakeppni 1. deildar karla og kvenna er komin af stað og um helgina fóru fram leikir í báðum deildum. Hjá körlum mættust Hamar og Höttur öðru sinni fyrir austan á Egilsstöðum þar sem heimamenn sigruðu og staðan í einvígi liðanna því 1-1. Í kvöld mætast svo Vestri og Fjölnir á Ísafirði öðru sinni en staðan er 1-0 fyrir Fjölni.
Þau lið sem fyrr vinna þrjá leiki fara áfram í lokaúrslitin.
Í 1. deild kvenna áttust við Fjölnir og Njarðvík í sínum fyrsta leik þar sem Fjölnir sigraði 73:60. Grindavík tók á móti Þór Akureyri og hafði sigur 80:66 og leiða því Fjölnir og Grindavík sín einvígi 1-0. Í kvöld mætast Þór Akureyri og Grindavík fyrir norðan og á morgun mætast í Njarðvík heimastúlkur og Fjölnir.
#korubolti