15 feb. 2020
Í úrslitaleik Geysisbikar karla mættust Grindavík og Stjarnan. Leikurinn var hin mesta skemmtun þar sem liðin sýndu flottan leik. Eftir jafna þrjá leikhluta reyndust Garðbæingar sterkari og lönduðu sigri 75-89 eftir að þeir sigu fram úr í fjórða leikhluta.
Það var mikið jafnræði með liðunum fyrstu þrjá leikhlutana og liðin voru að sýna sitt besta í sókninni. En í fjórða leikhluta sigu Stjörnumenn framúr og lögðu grunn að sigri sínum.
Ægir Þór Steinarsson var valinn maður leiksins en hann skoraði 19 stig og gaf 14 stoðsendingar.
Til hamingju Stjarnan