© 2000-2014 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
25.9.2000 | Karl Jónsson
1. deild kvenna 2000-2001: KFÍ
Kvennalið KFÍ tók í fyrsta skiptið þátt í efstu deild síðasta vetur og vann þá hug og hjörtu stuðningsmanna KFÍ, með góðum árangri. Aðeins Tinna Björk Sigmundsdóttir og Sólveig Pálsdóttir höfðu áður leikið í efstu deild og því telfdi liðið ekki fram reynslumiklum leikmönnumi. Við fórum þá leið að fá til okkar erlendan leikmann, Ebony Dickinson, sem óhætt er að segja að hafi slegið í gegn og var valin besti erlendi leikmaðurinn í 1. deild kvenna. Við eignuðumst okkar fyrstu landsliðsmenn, þegar þær Tinna Björk og Sigríður Guðjóns voru valdar tvívegis í undirbúning landsliðsins fyrir verkefni í vetur. Sigríður náði þeim áfanga að verða valin í lokahópinn sem tók þátt á Norðurlandamótinu í Bergen.

En það er alkunna að lið utan af landi missa leikmenn á hverju ári til náms suður. Sú varð einnig raunin hjá okkur, því úr 17 manna æfingahópi misstum við átta stelpur í burtu. Þar á meðal var Sigríður og því urðum við að leita eftir frekari liðsstyrk. Sólveig Pálsdóttir lagði líka skóna á hilluna. Það er eins og venjan er að leikmenn vilja koma þangað sem vel er staðið að málum og við teljum okkur svo sannarlega gera það hér í kvennaboltanum.

Við fengum Sólveigu Gunnlaugsdóttur til liðs við okkur frá Grindavík en hún er eins sú efnilegasta í kvennaboltanum í dag og var m.a. valin í úrvalslið 1. deildar kvenna síðasta vetur. Hér ætti hún að njóta sín betur en áður, því hún kemur ekki til með að spila mikið stöðu leikstjórnanda líkt og hún gerði hjá Grindavík. Áður hafði félagi hennar úr Grindavíkurliðinu til margra ára, Stefanía Ásmundsdóttir komið en hún er óðum að ná sér eftir erfið veikindi. Þá fengum við líka gríðarlega efnilegan leikmann frá Þór Akureyri, en hún heitir Fjóla Eiríksdóttir og á mikla framtíð fyrir sér.

Snemma í sumar gengum við svo frá samningi við Jessicu Gaspar, bandaríska stúlku sem lék með hinum stórgóða North Carolina háskóla í Bandaríkjunum og gegndi þar veigamiklu hlutverki. Hún lék m.a. við hlið Marion Jones sem tók sér frí frá körfuboltaiðkun til að spretta úr spori m.a. á Ólympíuleikunum í Sydney. Jessica er fjölhæfari leikmaður en Ebony og getur gert meira en að skora sem hún er vissulega góð í.

Lykilmenn frá því í fyrra verða áfram með liðinu. Tinna Björk verður án efa sterk í vetur eftir reynsluna sem hún fékk á landsliðsæfingunum og ætti að njóta sín betur með fleiri góðum leikmönnum í liðinu. Helga Salóme kom sér á stall með bestu skyttum deildarinnar í fyrra og á örugglega eftir að hitta vel í vetur.

Anna Soffía sem fékk framfaraverðlaun hjá okkur í fyrra, kemur ennþá sterkari til leiks nú og það sama má segja um Sesselju Guðjónsdóttur og Hafdísi Veru Emilsdóttur sem fær nú líklega aukna ábyrgð í liðinu. Sara Pálmadóttir er ungur leikmaður, aðeins 15 ára, sem stíga mun sín fyrstu skref í efstu deild en þar er mikið efni á ferðinni.

Ekki þurfum við að kvíða framtíðinni því í unglingaflokki í vetur verða um 20 stúlkur að æfa og við bindum miklar vonir við að margar þeirra skili sér upp í meistaraflokkinn innan fárra ára.

Markmið okkar í vetur verður að gera betur en í fyrra, komast í úrslitakeppnina núna. Ég hef trú á jafnari deild en áður og að það verði þrjú lið sem komi til með að slást um þá titla sem í boði verða; KR, Keflavík og ÍS. KFÍ-liðið kemur til með að koma vel undirbúið til leiks og fyrir framan 120-150 áhorfendur getur það sigrað hvaða lið sem er á heimavelli, það held ég að sé alveg á hreinu. Annars vona ég að við sjáum hér skemmtilega kvennadeild í vetur sem getur orðið fleiri liðum hvatning til að gera vel í sínum kvennamálum.
Mótayfirlit
Mótayfirlit allra flokka
Leikmenn 18 ára landsliðs karla fagna sigrinum á Svíum í úrslitaleik NM 2006.  Í bakgrunni sjást Hannes S. Jónsson, formaður KKÍ, og Guðbjörg Norðfjörð, varaformaður KKÍ, fagna úrslitunum.
DómarahorniðLeiðararTölfræðiSaganViðtalið