KKÍ hefur gefið út kynningarblað fyrir Iceland Express-deildirnar líkt og undanfarin undanfarin ár og ber blaðið nafnið „Karfan · Tímabilið 2010-2011“ í ár.

Í blaðinu eru liðin í Iceland Express-deildum karla og kvenna kynnt til leiks í máli og myndum auk þess sem leikmannalistar þeirra eru kynntir. Sérstakir álitsgjafar spá í liðin og gefa sitt álit og spá fyrir um hvernig þeim mun vegna í baráttunni í vetur.

Auk upplýsinganna um öll liðin og leikjaplan vetrarins er að finna viðtal við Hauk Helga Pálsson hjá Maryland háskólanum sem og viðtal við Ólaf Rafnsson forseta FIBA Europe.