13 apr. 2000Ísland sigraði Þýskaland 63-62 á EM unglinga í Saarloius í Þýskalandi í kvöld. Gríðarleg spenna var á lokamínútum leiksins, en á lokasekúndinni skoraði Hlynur Bæringsson miðherji íslenska liðsins körfu og jafnaði leikinn, 62-62. Að auki var brotið á Hlyni í skotinu og fékk hann eitt vítaskot, sem hann skoraði úr, og tryggði Íslandi sigur í leiknum. Þjóðverjar byrðuðu leikinn betur, en íslenska liðið náði fljótlega yfirhöndinni. Staðan í leikhléi var 30-27 fyrir Ísland. Á tímabili í síðari hálfleik náði Ísland 18 stiga forystu og allt stefndi í stórsigur. Með stífri pressu og föstum leik tóks heimamönnum að jafna og komast yfir, en Hlynur kláraði leikinn fyrir Ísland eins og framan er getið. Stig íslenska liðsins í leiknum gerðu: Jón Arnór Stefánsson 17, Hreggviður Magnússon 14, Jakob Sigruðarson 12, Helgi Margeirsson 8, Hlynur Bæringsson 6, Ólafur Sigurðsson 5 og Erlendur Ottesen 1. Íslenska liðið er nú í 2. sæti mótsins og mætir Ítalíu í morgun. Staðan er nú þessu.