18 júl. 2000Stúlknalandslið Íslands er komið heilu á höldnu til Gíbraltar eftir mjög erfitt ferðalag. Upphaflega átti liðið að fara í gærmorgun kl. 07.00 en því flugi var frestað til kl. 15.00 og síðan aftur og aftur þar til að farið var í loftið kl. 21.30. Lent var í Madríd þar sem starfsmaður átti að taka á móti hópnum og koma honum á hótel. Þar lét ekki nokkur maður sjá sig og varð hópurinn að gista á flugvellinum í Madríd. Liðið átti svo flug frá Madríd til Malaga kl. 10.30 og lenti þar heilu og höldnu. Eftir tveggja tíma rútuferð er liðið nú komið til Gíbraltar þreytt og slæpt en heilt á húfi. Liðið leikur sinn fyrsta leik við Skotland á morgun miðvikudag kl. 18.30 að spánskum tíma.