17 okt. 2000Dregið verður í bikarkeppni KKÍ kl. 15:30 á fimmtudaginn í íþróttamiðstöðinni í Laugardal. Þar sem skráð eru fleiri en 32 lið í meistaraflokki karla er ljóst að leika verður forkeppni. Dregið verður í forkeppninni og 32-liða úrslitunum á fimmtudag, en leikirnir í 32-liða úrslitunum verða helgina 28.-29. október. Þar sem mun færri kvennalið taka þátt í bikarkeppni en karlalið verður dregið hjá konunum um leið og dregið verður í 8-liða úrslit hjá körlunum, eða í desember. Þá verður einnig dregið í bikarkeppni yngri flokkanna síðar í haust. Grindvíkingar eru núverandi bikarmeistarar og forvitnilegt verður að sjá hverjir mótherjar þeirra verða í 32-liða úrslitunum. Neðri deildarliðin eiga rétt á heimaleik dragist þau gegn liði úr efri deild og því er jafnan mikil eftirvænting hjá mönnum á móti hverjum þeir lenda og hvar þeir leika.