Þjálfaramenntun

Menntakerfi KKÍ er unnið sem hluti af menntakerfi ÍSÍ eins og alltaf hefur staðið til að gera. ÍSÍ mun því sjá um kennslu á almennum hluta og KKÍ á sérgreinahluta. KKÍ 1 er 60 kennslustundir, KKÍ 2 og 3 eru 80 kennslustundir hvort um sig í sérgreinahluta. Ekki er hægt að byrja á námskeiði nema að námskeiði á undan hafi verið klárað og á það við bæði um almennan hluta og sérgreinahluta. Hver kennslustund fyrir sig er 40 mínútur og yfirleitt er hver fyrirlestur tvær kennslustundir. Menntakerfi KKÍ er sérgreinahlut í menntakerfi ÍSÍ.

Markmið með þjálfaranámi KKÍ er að gefa þjálfurum tækifæri á að mennta sig í körfuboltafræðum og sækja sér þekkingu sem nýtist þeim í starfi. Náminu er skipt upp í þrjú stig með misjöfnum áherslum eftir stigi eins og má á mynd að ofan og í töflu að neðan sem sýnir yfirlit um áherslur á hverju stig. Þjálfara sem hefur lokið náminu er ætlað að sækja sér reglulega endurmenntun sem boðið er upp á í 2.a. Einnig er þjálfurum frjálst að mæta eins oft og þeir kjósa á hvert námskeið eftir að námi hefur verið lokið þar sem ólíklegt er að námskeið verði nákvæmlega eins frá ári til árs.

Þeir þjálfarar sem hafa reynslu af þjálfun og eða sótt annað þjálfaranám geta sent inn ferilskrá sína til KKÍ til að hægt sé að meta þá inn í kerfið. Í náinni framtíð munu allir þjálfara þurfa að hafa tiltekna menntun til að þjálfa á hverju stigi.

Ferilsskrá/CV þjálfara: skilast inn til KKÍ á netfangið: kki@kki.is

Nánari upplýsingar á stöðu menntun þjálfara og viðmiðsblað að þjálfaramenntun má sjá hér

Hér á myndinni fyrir neðan má sjá uppbyggingu þjálfaramenntun ÍSÍ og KKÍ.

Hér í töflunni að neðan má sjá áherslur í hverju stigi fyrir sig í Þjálfaramenntunar KKÍ:

	KKÍ þjálfari - 1	KKÍ þjálfari – 2	KKÍ þjálfari – 3
Fyrirlestrar	Þjálfun barna 12 ára og yngri (Minni bolti) Kennslufræði í þjálfun minnibolta FIBA Europe þjálfaravefur Skipulag þjálfunar, tímaseðlar og áætlunargerð Þjálfaratýpur	Þjálfun unglinga (yngri flokkar á háar körfur) Langtíma- og skammtíma skipulag Ferill, tímabil og æfing Endurmenntun KKÍ Líkamleg þjálfun	Meistaraflokks þjálfun Skipulag, leikfræði og hugmyndafræði á efsta stigi. Leit að leikmönnum Íþróttasálfræði Liðsuppbygging Markmiðasetning
Nám á velli	Undirstöðuatriði í sókn Sendingar Boltatækni og knattrak Fótavinna og gabbhreyfingar Skot Hóp taktík Vörn (varnarstöður) Upphaf á sóknarleik Hraðupphlaup 2:1, 3:2 Úrvalsbúðir KKÍ	Einstaklingstækni og sérhæfing eftir leikstöðum Leikstjórnandi Skotmaður Miðherji Hóp taktík Hindrun (sókn) Hindrun (vörn) Vörn (1:1-4:4) Líkamleg þjálfun, upphitun og fyrirbyggjandi æfingar	Hóp taktík Bolta hindrun (sókn) Bolta hindrun (vörn) Liðs taktík Sókn (5:5) Vörn (4:4/5:5) Hraðupphlaup (Sókn) Hraðupphlaup (vörn) Pressuvarnir Svæðisvarnir Líkamleg þjálfun
Fjarnám	Leikreglur 20% Mótamál KKÍ 5% Saga körfuknattleiks 5%	Vettvangsnám 20% Heimsókn til þjálfara 15% Fyrirlestur á netinu 15% Leikgreining 10%	Þjálfaranámskeið erlendis
Verkefni	Tímaseðlagerð í FIBA Europe forriti 5%	Undirbúningur fyrir leik (skoða andstæðing) Fara yfir sinn eigin leik	Lokaverkefni frá þjálfaranámskeiði erlendis 50%
Próf	Verklegt próf 7,5% Munnlegt próf 7,5% Krossapróf 10% Próf tímaseðil 20% Próf þjálfa æfingu af tímaseðli 20%	Bóklegt próf 20% Skriflegt lokapróf 20%	Krossapróf 20% Skriflegt lokapróf 30%