6 des. 2002Jón Arnar Ingvarsson, spilandi þjálfari Breiðabliks í Intersportdeildinnni bætti í gær stoðsendingamet nafna síns Jóns Kr. Gíslasonar og er Jón Arnar nú sá leikmaður sem gefið hefur flestar stoðsendingar í sögu úrvalsdeildarinnar en stoðsendingar voru fyrst teknar saman veturinn 1988 til 1989 sem var einmitt fyrsti vetur Jóns Arnars. Jón Arnar átti fjórar stoðsendingar í [v+]http://www.isisport.is/isi/urslit/kki/2003/00001600/16000905.htm [v-]99-81[slod-] tapi gegn KR í DHL-Höllinni og setti metið þegar hann spilaði Mirko Virijevic frían í hraðaupphlaupi þegar 4:38 voru eftir af öðrum leikhluta. Jón Arnar bætti síðan við tveimur stoðsendingum í seinni hálfleik en tíu efstu menn í stoðsendingum í sögu úrvalsdeildar karla má finna [v+]http://www.kki.is/tolfraedi/einst_ferill.asp?Adgerd=NyRodun&Magn=10&RadaEftir=Stodsendingar [v-]hér[slod-]. Alls hefur Jón Arnar sent 34 stoðsendingar í vetur og þar með 1362 á ferlinum en farsælan feril hans má finna [v+]http://www.kki.is/tolfraedi/ferill_leikmanns.asp?Felaganumer=25530[v-]hér[slod-].