2 apr. 2004ÍT ferðir bjóða upp á ferð á alþjóðlegar körfuboltabúðir sem verða haldnar í Canterbury, Suður-Englandi í lok júlí fyrir unga körfuboltamenn á aldrinum 13-19 ára, fæðingarár 1985-90. Áætluð dags. ferðar: 24.-30. júlí 2004 Leikmönnum er skipt í hópa eftir reynslu og getu þannig að allir fá kennslu og leiðsögn við sitt hæfi. Búðirnar eru jafnt fyrir einstaklinga sem hópa og lið, stráka og stelpur. Meðal leiðbeinenda verða bandarískir þjálfarar frá Duke University en körfuboltaskóli Duke er einn sá virtasti í Bandaríkjunum. Pétur Guðmundsson verður einn af aðalþjálfurum í búðunum og hann verður einnig fararstjóri í þessari ferð ásamt Jóni Guðmundssyni. Nánari upplýsingar hjá Pétri Guðmundssyni í síma 895-1058 og á skrifstofu ÍT ferða í Laugardal, sími 588 9900, e-Mail: itferdir@itferdir.is