14 jún. 2004Frankfurt tryggði sér um helgina þýska meistaratitilinn í körfuknattleik með því að leggja GHP Bamberg í oddaleik í úrslitarimmunni. Þetta er í fyrsta sinn í sjö ár sem nafn Alba Berlin er ekki á meistarabikarnum í Þýskalandi. Alba Berlin, sem hefur haft talsverða yfirburði í þýska körfuboltanum undanfarin ár og unnið meistaratitilinn sjö ár í röð, féll að þessu sinni úr leik í undanúrslitunum. Þar mættu Berlínarbúar liði Bamberg, sem með sigri tryggði sér sæti í úrslitunum gegn Frankfurt. Frankfurtarar reyndust sterkari í úrslitarimmunni og höfðu þar sigur 3-2. Pau Orthez tryggði sér um helgina franska meistaratitilinn í körfuknattleik með því að valta yfir Gravelines, 89-58, í öðrum leik úrslitarimmunnar og þar með vann Pau Orthez rimmuna 2-0. Þetta er sjötti meistaratitill Pau Orthez á síðustu níu árum og níundi titilinn þegar allt er talið.
Frankfurt er þýskur meistari
14 jún. 2004Frankfurt tryggði sér um helgina þýska meistaratitilinn í körfuknattleik með því að leggja GHP Bamberg í oddaleik í úrslitarimmunni. Þetta er í fyrsta sinn í sjö ár sem nafn Alba Berlin er ekki á meistarabikarnum í Þýskalandi. Alba Berlin, sem hefur haft talsverða yfirburði í þýska körfuboltanum undanfarin ár og unnið meistaratitilinn sjö ár í röð, féll að þessu sinni úr leik í undanúrslitunum. Þar mættu Berlínarbúar liði Bamberg, sem með sigri tryggði sér sæti í úrslitunum gegn Frankfurt. Frankfurtarar reyndust sterkari í úrslitarimmunni og höfðu þar sigur 3-2. Pau Orthez tryggði sér um helgina franska meistaratitilinn í körfuknattleik með því að valta yfir Gravelines, 89-58, í öðrum leik úrslitarimmunnar og þar með vann Pau Orthez rimmuna 2-0. Þetta er sjötti meistaratitill Pau Orthez á síðustu níu árum og níundi titilinn þegar allt er talið.