22 ágú. 2008Margrét Kara Sturludóttir verður ekki með íslenska kvennalandsliðinu í Evrópukeppninni þar sem hún er á leið í skóla til Bandaríkjanna. Margrét Kara ákvað á dögunum að fara í Elon-háskólann og þarf að hefja þar nám strax í næstu viku. Þetta er ekki aðeins missir fyrir íslenska kvennalandsliðið því Íslandsmeistarar Keflavík sjá þarna á eftir byrjunarliðsmanni. Ágúst Björgvinsson hefur kallað inn tvo leikmenn í landsliðshópinn, bæði vegna þessa sem og meiðsla og veikinda leikmanna í hópnum. Leikmennirnir eru Guðrún Ósk Ámundadóttir úr KR og Jóhanna Björk Sveinsdóttir úr Hamri en þær hafa báðar æft með liðinu stóran hluta sumarsins. Margrét Kara verður þar með þriðji íslenski leikmaðurinn sem spilar í 1. deild háskólaboltans næsta vetur en fyrir voru þær Helena Sverrisdóttir (Texas Christian University) og María Ben Erlingsdóttir (University of Texas - Pan American). Elon-skólinn er í Norður-Karólínu og lið skólans bera gælunafnið Phoenix. Liðið spilar í Southern Conference. Ágúst Björgvinsson landsliðsþjálfari kallaði aftur á tvo leikmenn sem voru í æfingahópi landsliðsins í sumar og æfðu með liðinu allt fram í lok júlí. Þetta eru þær Jóhanna Björk Sveinsdóttir sem er 19 ára bakvörður úr Hamri og Guðrún Ósk Ámundadóttir sem er 21 árs bakvörður úr KR. Báðar eru þær nýliðar í A-landsliði kvenna en hafa hinsvegar spilað fjölmarga landsleiki fyrir yngri landsliðin. Helena Sverrisdóttir hefur ekkert getað æft í vikunni vegna veikinda og það er enn ekki ljóst hvort og þá hve mikið hún getur verið með í fyrsta leiknum á móti Sviss í næstu viku. KR-ingarnir Hildur Sigurðardóttir og Sigrún Ámundadóttir eru báðar að glíma við meiðsli, Hildur á hásin en Sigrún er enn ekki orðin góð af meiðslunum sem hún varð fyrir í lokaleiknum á Norðurlandamótinu.
Margr%C3%A9t Kara ekki me%C3%B0 - J%C3%B3hanna og Gu%C3%B0r%C3%BAn kalla%C3%B0ar inn
22 ágú. 2008Margrét Kara Sturludóttir verður ekki með íslenska kvennalandsliðinu í Evrópukeppninni þar sem hún er á leið í skóla til Bandaríkjanna. Margrét Kara ákvað á dögunum að fara í Elon-háskólann og þarf að hefja þar nám strax í næstu viku. Þetta er ekki aðeins missir fyrir íslenska kvennalandsliðið því Íslandsmeistarar Keflavík sjá þarna á eftir byrjunarliðsmanni. Ágúst Björgvinsson hefur kallað inn tvo leikmenn í landsliðshópinn, bæði vegna þessa sem og meiðsla og veikinda leikmanna í hópnum. Leikmennirnir eru Guðrún Ósk Ámundadóttir úr KR og Jóhanna Björk Sveinsdóttir úr Hamri en þær hafa báðar æft með liðinu stóran hluta sumarsins. Margrét Kara verður þar með þriðji íslenski leikmaðurinn sem spilar í 1. deild háskólaboltans næsta vetur en fyrir voru þær Helena Sverrisdóttir (Texas Christian University) og María Ben Erlingsdóttir (University of Texas - Pan American). Elon-skólinn er í Norður-Karólínu og lið skólans bera gælunafnið Phoenix. Liðið spilar í Southern Conference. Ágúst Björgvinsson landsliðsþjálfari kallaði aftur á tvo leikmenn sem voru í æfingahópi landsliðsins í sumar og æfðu með liðinu allt fram í lok júlí. Þetta eru þær Jóhanna Björk Sveinsdóttir sem er 19 ára bakvörður úr Hamri og Guðrún Ósk Ámundadóttir sem er 21 árs bakvörður úr KR. Báðar eru þær nýliðar í A-landsliði kvenna en hafa hinsvegar spilað fjölmarga landsleiki fyrir yngri landsliðin. Helena Sverrisdóttir hefur ekkert getað æft í vikunni vegna veikinda og það er enn ekki ljóst hvort og þá hve mikið hún getur verið með í fyrsta leiknum á móti Sviss í næstu viku. KR-ingarnir Hildur Sigurðardóttir og Sigrún Ámundadóttir eru báðar að glíma við meiðsli, Hildur á hásin en Sigrún er enn ekki orðin góð af meiðslunum sem hún varð fyrir í lokaleiknum á Norðurlandamótinu.