Þjálfarastig 1

KKÍ þjálfari 1 – Þjálfun barna

KKÍ þjálfari 1 er grunnnámskeið í Menntakerfi KKÍ og er hluti af þjálfaramenntun ÍSÍ. Námskeiðið er 60 kennslustundir sem skiptist upp í þrjá hluta KKÍ 1a, KKÍ 1b og KKÍ 1c og er námskeiðið að mestu í umsjón fræðslustjóra KKÍ. Á námskeiðinu er farið yfir helstu grunþætti körfuknattleiks eins og skot, sendingar, knattrak, fótavinnu og undirstöðu varnarleiks. Á námskeiðinu er lögð áhersla á að þátttakendur sjálfir taki þátt í þeim æfingum sem fram fara á námskeiðinu og miðla til hvors annars.

Að loknu námi útskrifast þátttakendur sem KKÍ þjálfari 1 og veitir námið rétt til þess að vera aðalþjálfari allra flokka til og með minnibolta 11 ára sem og aðstoðarþjálfari upp í 10. flokk.

 

Uppbygging námskeiðsins KKÍ þjálfari 1

 

KKÍ þjálfari 1A

Námskeiðið er 15 kennslustundir eða 10 klukkutímar. Áhersla er lögð á þjálfun minnibolta, byrjenda og barna 12 ára og yngri. Mikil áhersla er lögð á kennslu á helstu grunnþáttum eins og skotum, sendingum, fótavinnu, knattraki og á boltaæfingar. Áhersla er lögð á að kenna yngstu iðkendum grunnþætti í gegnum leiki. KKÍ þjálfari 1A gildir sem 25% af lokaeinkunn á námskeiðinu. Þjálfarar sem hafa lokið 1A eru með leyfi til að þjálfa minnibolta 9 ára og yngri.

Dagskrá KKÍ þjálfari 1A

Föstudagur

17:00-17:30        Setning og þjálfaranám KKÍ.

17:30-19:00        Kennslufræði minnibolta og skipulag þjálfunar, Bóklegt 

19:00-19:20        Matur 

19:20-20:50        Undirbúningur þjálfunar og hugarfar þjálfara í minnibolta, Bóklegt

Laugardagur

09:00-10:00        Boltaæfingar, knattrak og leikir, Verklegt 

10:10-11:10        Upphaf sóknar, V-hlaup (e. V-cut) og sendingar, Verklegt

11:20-12:20        SSG og stignun þeirra

12:20-12:40        Matur

12:40-13:40        Skot, fótavinna, þreföld ógnun og skotleikir, Verklegt

13:50-14:50        Vörn (Varnarstöður 1, 2, 3, 4 og 5),Verklegt

Sunnudagur

10:00-11:30         Úrvalsbúðir

11:30-12:15         Umræður

12:15-13:00         Próf (10%) - Verklegt próf (7,5%) og munnlegt próf (7,5%)

 

Þátttakendur mæta í íþróttafötum í körfuboltaskóm í alla verklega tíma.

KKÍ þjálfari 1.b

Námskeiðið er 20 kennslustundir sem kennt í fjarnámi milli þjálfara 1.a og 1.c. Í þessum hluta er farið ítarlega í leikreglur, mótafyrirkomulag KKÍ, sögu körfuknattleiks og unnið verkefni í tímaseðlagerð. KKÍ þjálfari 1.b gildir sem 35% af lokaeinkunn KKÍ þjálfara 1.

Leikreglur:
Farið er í leikreglur með fyrirlestri á netinu. Þjálfarar þurfa svo að standast reglupróf sem er aðeins bóklegt og gildir 20% af einkunn í KKÍ þjálfara 1. Ef þjálfarar vilja einnig sækja sér dómararéttindi þarf að bæta við verklegu dómaraprófi.

Mótafyrirkomulag KKÍ:
Þjálfarar kynnast mótafyrirkomulagi með fyrirlestri á netinu. Þjálfarar þurfa að standast krossapróf sem gildir 5% af lokaeinkunn KKÍ þjálfara 1.

Saga körfuknattleiks:
Þjálfarar fá senda fyrirlestra um sögu körfuknattleiks. Þjálfarar þurfa að standast krossapróf úr sögunni sem gildir 5% af heildareinkunn í KKÍ Þjálfara 1.

Tímaseðill:
Þjálfarar gera tímaseðil með FIBA Europe þjálfaraforritinu. Skila þarf inn tímaseðli fyrir 60 mínútna æfingu í minnibolta, á PDF skjali með tölvupósti á fræðslustjóra KKÍ. Verkefnið gildir 5% af lokaeinkunn KKÍ þjálfara 1.

KKÍ Þjálfari 1C

KKÍ þjálfari 1C er helgarnámskeið og fjarnám. Áhersla er lögð á þjálfun barna 14 ára og yngri í KKÍ 1C náminu. Hér er lögð meiri áhersla á samvinnu leikmanna en var gert í 1A. KKÍ þjálfari 1C gildir sem 40% af lokaeinkunn KKÍ þjálfara 1. Þjálfarar sem hafa lokið öllum prófum og verkefnum 1 A, B og C námi, ásamt því að hafa lokið ÍSÍ 1 útskrifast með KKÍ 1 þjálfara réttindi.

Dagskrá námskeiðsins er þessi:

Laugardagur
09:00-09:10 Setning
09:10-10:30 Skipulag þjálfunar, áætlunargerð og tímaseðlar
10:40-12:00 Skipulag þjálfunar 14 ára og yngri
12:00-12:30 Matarhlé
12:30-13:40 Taktík - Liðssókn - Hreyfingar án bolta
13:50-15:00 Skottækni og fótavinna

Sunnudagur
10:00-10:30 Vörn 1-á-1
10:30-11:40 Taktík - Liðsvörn maður á mann
11:40-12:10 Matarhlé
12:10-13:20 Hraðupphlaup (2-á-1 og 3-á-2)
13:30-14:30 Verklegt próf KKÍ (20% framkvæma æfingu af tímaseðli) 
14:30-15:00 Umræður

Eftir námskeið fer þjálfari og fylgist með fjórum æfingum hjá börnum yngri en 12 ára, fylgst er með a.m.k tveimur mismunandi þjálfurum. Þjálfari þarf svo að vinna stutt verkefni upp úr æfingum sem fylgst var með.

Þegar þjálfari hefur lokið og skilað öllum verkefnum verður þjálfari boðaður í útskrift og afhent þjálfaréttindi KKÍ þjálfari 1.

Þessi síða notar vafrakökur Lesa meira