Stelpurnar okkar með tvo sigra eftir tvo leiki
Stelpurnar okkar í A-landsliði Íslands eru búnar að standa sig ótrúlega vel í fyrstu tveimur leikjum A-riðils forkeppni EuroBasket 2029. Markmiðið er að vinna riðilinn og fyrstu tveir leikirnir sýna að það markmið er vel framkvæmanlegt.
Frábær byrjun liðsins í Ólafssal á laugardag kom liðinu á bragðið og heilt yfir héldu stelpurnar vel á spilunum frá upphafi til enda og var fimmtán stiga munur í hálfleik, 55-40 en leikurinn endaði 100-82 fyrir framan 850 áhorfendur og stuðningsfólk Íslands í Ólafssal.













