ÍR Íslandsmeistari 12. flokks karla!

23 maí 2023Lið ÍR hampaði Íslandsmeistaratitli 12. flokks karla síðasta fimmtudag eftir sigur gegn Breiðablik í öðrum úrslitaleik liðanna í Smáranum. Úrslit 12. flokks voru nú í fyrsta skipti leikin sem sería þar sem vinna þurfti tvo leiki til að verða Íslandsmeistari, og að þessu sinni höfðu ÍR-ingar betur 2-0. ÍR vann fyrsta leikinn í TM hellinum 109-100 og tryggðu sér titilinn með 84-81 sigri í hörkuspennandi leik í Smáranum. Þjálfari liðsins er Daði Steinn Arnarsson. Friðrik Leó Curtis var valinn verðmætasti leikmaður úrslitanna, en hann skilaði 19,5 stigum, 13,5 fráköstum og 4,5 vörðum skotum í einvíginu. Til hamingju ÍR!Meira

Hannes S. Jónsson kjörin í stjórn FIBA Europe · Jorge Garbajosa kjörinn nýr forseti FIBA Europe

21 maí 2023FIBA Europe hélt ársþing sitt um helgina og fór það fram í München í Þýskalandi. Þingið sækja formenn og framkvæmdastjórar Evrópulandanna ásamt starfsfólki FIBA Europe. Fyrir lágu kosningar í stjórn og nefndir og til formanns FIBA Europe en hin tyrkneski Turgay Demerel, sem tók við af Ólafi Rafnsyni okkar á sínum tíma, hefur verið formaður undanfarin ár og lét nú af embætti. Ísland getur verið stolt því Hannes S. Jónsson var kjörinn í stjórn. Hann fékk mjög góða kosningu eða 43 atkvæði af þeim 50 þjóðum sem kusu. Að auki náðu 2 fulltrúar Norðurlandanna og Baltic þjóðanna líka í stjórn, Kieo Khui frá Eistlandi og Elisabeth Engell frá Svíþjóð. Þetta er mjög ánægjulegt fyrir KKÍ og Norðurlöndin að eiga fulltrúa sem tala máli landanna. Formaður spænska sambandins og fyrrum landsliðsmaður spænska landsliðsins, Jorge Garbajosa, var kjörinn forseti FIBA Europe með afgerandi kosningu. Hann fer inn í nýtt tímabil með nýjar hugmyndir og áherslur sem lofa góðu fyrir evrópskan körfuknattleik.Meira

TINDASTÓLL ÍSLANDSMEISTARI SUBWAY DEILDAR KARLA 2023!

19 maí 2023Tindastóll vann sinn fyrsta Íslandsmeistaratitil í gær eftir sigur í oddaleik gegn Val í Origo höll Vals. Í leikslok var Antonio Keyshawn Woods, leikmaður Tindastóls, valinn besti leikmaður úrslitanna. Mynd / Eyjólfur Garðarsson @EyjolfurGardarsMeira

KR Íslandsmeistari 11. flokks stúlkna

17 maí 2023KR varð Íslandsmeistari 11. flokks stúlkna á þriðjudag með sigri á Stjörnunni í úrslitaleik á Meistaravöllum. KR leiddi mest allan leikinn og virtust vera með öruggan sigur í höndunum, en gott áhlaup Stjörnunnar í fjórða leikhluta minnkaði muninn, lokatölur 80-75. Þjálfari liðsins er Hörður Unnsteinsson. Rebekka Rut Steingrímsdóttir var valin maður leiksins, en hún skilaði 25 stigum og 8 fráköstum. Til hamingju KR!Meira

Stjarnan b meistari 3. deildar 9. flokks drengja

17 maí 2023Stjarnan b varð meistari 3. deildar 9. flokks drengja á mánudag með sigri á sameiginlegu liði Laugdæla og Hrunamanna í úrslitaleik á Meistaravöllum. Leikurinn var jafn og spennandi, en liðin skiptust níu sinnum á forystu og 10 sinnum var jafnt. Að lokum var það Stjarnan sem hafði sigur eftir framlengingu, 77-71. Þjálfari liðsins er Leifur Steinn Árnason. Daníel Geir Snorrason var valinn maður leiksins, en hann skilaði 33 stigum og hitti úr 64% skota sinna í leiknum auk 6 frákasta og 2 stolna bolta. Til hamingju Stjarnan!Meira

Keflavík Íslandsmeistari ungmennaflokks kvenna

17 maí 2023Keflavík varð Íslandsmeistari ungmennaflokks kvenna á sunnudag með sigri á sameiginlegu liði Vals og KR í úrslitaleik í Blue höll Keflavíkur. Leikurinn var jafn mest allan tímann og skiptust liðin átta sinnum á forystunni. Keflavík hafði svo betur þegar upp var staðið, 66-69. Þjálfari liðsins er Lidia Mirchandani Villar. Erna Ósk Snorradóttir var valin maður leiksins, en hún skilaði 21 stigi og 4 fráköstum. Til hamingju Keflavík!Meira

Stjarnan Íslandsmeistari 9. flokks stúlkna

17 maí 2023Stjarnan varð Íslandsmeistari 9. flokks stúlkna á sunnudag með sigri á Njarðvík í úrslitaleik í Blue höll Keflavíkur. Stjarnan leiddi allan leikinn og héldu út þrátt fyrir góð áhlaup frá Njarðvík. Þjálfari stúlknanna er Adama Darboe. Bo Guttormsdóttir Frost var valin maður leiksins, en hún skilaði 31 stigi, 18 fráköstum og 2 stolnum boltum. Til hamingju Stjarnan!Meira

Stjarnan Íslandsmeistari 9. flokks drengja

17 maí 2023Stjarnan varð Íslandsmeistari 9. flokks drengja á sunnudag með sigri á Keflavík í úrslitaleik í Blue höll Keflavíkur. Keflavík byrjaði leikinn betur, en Stjarnan náði forystunni í lok fyrsta leikhluta og létu hana aldrei af hendi eftir það. Þjálfari drengjanna er Leifur Steinn Árnason. Jakob Kári Leifsson var valinn maður leiksins, en hann skilaði 41 stigi, 16 fráköstum og 4 stoðsendingum. Til hamingju Stjarnan!Meira

Breiðablik meistari 2. deildar 10. flokks stúlkna

17 maí 2023Breiðablik varð meistari 2. deildar 10. flokks stúlkna á sunnudag með sigri á Val í úrslitaleik í Blue höll Keflavíkur. Eftir jafnan leik framan af náði Breiðablik forystunni um miðbik þriðja leikhluta og unnu að lokum 16 stiga sigur, 79-63. Þjálfari stúlknanna er Ívar Ásgrímsson. Embla Hrönn Halldórsdóttir var valin maður leiksins, en hún skilaði 25 stigum, 13 fráköstum, 8 stolnum boltum og 4 stoðsendingum. Til hamingju Breiðablik!Meira

Stjarnan Íslandsmeistari 10. flokks drengja

16 maí 2023Stjarnan varð Íslandsmeistari 10. flokks drengja á laugardag með sigri á Breiðablik í úrslitaleik í Blue höll Keflavíkur. Sigur Stjörnunnar var öruggur, en þeir leiddu allan leikinn og höfðu að lokum 33 stiga sigur, 107-74. Þjálfari drengjanna er Snorri Örn Arnaldsson. Atli Hrafn Hjartarson var valinn maður leiksins, en hann skilaði 23 stigum, 7 fráköstum og 12 stolnum boltum. Til hamingju Stjarnan!Meira