Frétt

KKÍ leitar af starfskrafti á skrifstofu sambandsins sem á að sjá um markaðs-og kynnningarmál. Um er að ræða nýtt stöðugildi. Frekari upplýsingar má sjá hérna í auglýsingu um starfið.

Körfuknattleikssambands Íslands (KKÍ) - Markaðs- og kynningarfulltrúi

Markaðs- og kynningarfulltrúi ber ábyrgð á markaðs- og kynningarmálum KKÍ. Hlutverk starfsins er fjölbreytt en meðal annars er það;  að auka enn frekar útbreiðslu og sýnileika íþróttarinnar, fá fleiri samstarfsaðila að starfi KKÍ og aðildarfélaganna og tryggja faglega miðlun upplýsinga.

Markaðs- og kynningarfulltrúi er ný staða á skrifstofu KKÍ, því er um spennandi tækifæri að ræða fyrir réttan aðila að móta starfið og efla ennfrekar starf KKÍ og aðildarfélaganna.

Ábyrgðasvið:

• Mótun, framkvæmd og eftirfylgni markaðs- og kynningarstefnu KKÍ
• Markaðssetning og stuðningur við mótahald, afreks-og landsliðsmál
• Viðburðastjórnun og samræming á upplifun á mótum og landsleikjum á vegum KKÍ
• Gerð markaðs- og kynningaráætlunar fyrir innlend og alþjóðleg verkefni
• Skipulag, utanumhald og stjórnun á 3x3 götuboltamótum (streetball)
• Samningar og þjónusta við samstarfsaðila
• Vöru- og þjónustuþróun, sölumál og samskipti við hagsmunaaðila
• Ábyrgð á vefsíðu og samfélagsmiðlum KKÍ

Umsóknarfrestur er til og með mánudagsins 16 febrúar 2026 .

Frekari upplýsingar gefur Hannes S. Jónsson, framkvæmdastjóri KKÍ hannes.jonsson@kki.is