18 jún. 2026
Ólafur Ólafsson, fyrirliði Grindavíkur og leikmaður Íslenska landsliðsins, var sæmdur heiðursmerki hinnar íslensku fálkaorðu í gær á þjóðhátíðardegi okkar Íslendinga, 17.júní. Fálkaorðuna hlýtur Ólafur fyrir forystu fyrir heimabyggð sinni á vægast sagt krefjandi tímum. Jarðhræringar á Reykjanesskaga og rýming Grindavíkurbæjar fyrir þremur árum síðan settu ansi mikið strik í reikning þátttöku Grindvíkinga í íþróttastarfi landsins en með mikilli elju og trú tókst Grindvíkingum að halda sínu starfi úti með miklum sóma og framganga Ólafs Ólafssonar hefur verið til algjörrar fyrirmyndar í þeim efnum. Við óskum Óla innilega til hamingju með heiðursviðurkenninguna sem fálkaorðan sannarlega er en hún er æðsta heiðursmerki sem íslenska ríkið veitir einstaklingum.
Á meðfylgjandi mynd frá embætti Forseta Íslands má sjá alla 14 fálkaorðuhafana sem forseti Íslands, Halla Tómasdóttir, heiðraði með fálkaorðuveitingu 17.júní 2026.