Við tókum við liðinu mikið breyttu frá því í fyrra, þrír af okkar stærstu mönnum ákváðu að leita á önnur mið og því var ákvörðun tekin að leita að stórum útlending (kana), en eins og flestum ætti að vera kunnugt um þá gekk dæmið með William Dink Peters ekki upp. Maðurinn var ekki vel á sig kominn líkamlega og það hefði verið of tímafrekt og kostnaðarsamt að koma honum í leikform. Við höfðum einnig ráðið til okkar danskan leikmann, Jes Hansen að nafni ( 205 sm), svo þegar okkur barst til eyrna að Brenton væri enn á lausu ákváðum við að slá til enda þótt við værum með frekar lágvaxið lið, en með honum fáum við afburðarleikmann og mjög svo sterkan karakter. Halldór Karlsson gekk í okkar raðir frá Keflavík og við erum mjög sáttir við það sem hann hefur sýnt okkur á æfingum og í leikjum. Við bindum miklar vonir við hann og Ásgeir Guðbjartsson sem framherja hjá okkur í vetur, en Geiri er búinn að vinna vel í sumar og mætir sterkur til leiks. Logi er búinn að vera í landsliðsprógrammi í allt sumar og því mætti hann til leiks í fínu formi til okkar, en hann hefur verið að bæta sig jafnt og þétt síðustu mánuði og ár og við munum gera miklar kröfur til hans í vetur. Sóknarleikur liðsins mum mikið koma til með að snúast í kringum hann og Brent. Ragnar þarf að stíga upp í vetur og hann, eins og aðrir skotbakverðir liðsins, mun koma til með að njóta góðs af hversu Brent og Logi draga til sín. Sævar Garðarsson kom til baka frá Grindavík og forvitnilegt verður að sjá hann í vetur með meiri reynslu á bakinu en áður. Svo eru það "gömlu mennirnir" Teitur og Friðrik, við ætlum að spila með á fullu í vetur og höfum við fengið til liðs við okkur Jón J. Árnason til að sjá um bekkstjórn fyrir okkur en hann er öllum hnútum kunnugur hjá félaginu. Við mætum því til leiks með lið sem ætti að geta spilað hraðan og skemmtilegan körfubolta, þetta er ágætis blanda af ungum frískum strákum og aðeins eldri og reyndari mönnum og við gerum að sjálfsögðu þá kröfu til okkar að vera með í toppbaráttunni í vetur. Deildin í vetur á vafalítið eftir að vera jöfn og spennandi en það eru nokkur lið sem eru með prýðisgóðan mannskap svo sem Keflavík, Grindavík, Haukar, KR, Tindastóll og Njarðvík og er það okkar skoðun að þetta verði liðin sem líklegust eru við toppinn í ár.
Grein
Við tókum við liðinu mikið breyttu frá því í fyrra, þrír af okkar stærstu mönnum ákváðu að leita á önnur mið og því var ákvörðun tekin að leita að stórum útlending (kana), en eins og flestum ætti að vera kunnugt um þá gekk dæmið með William Dink Peters ekki upp. Maðurinn var ekki vel á sig kominn líkamlega og það hefði verið of tímafrekt og kostnaðarsamt að koma honum í leikform. Við höfðum einnig ráðið til okkar danskan leikmann, Jes Hansen að nafni ( 205 sm), svo þegar okkur barst til eyrna að Brenton væri enn á lausu ákváðum við að slá til enda þótt við værum með frekar lágvaxið lið, en með honum fáum við afburðarleikmann og mjög svo sterkan karakter. Halldór Karlsson gekk í okkar raðir frá Keflavík og við erum mjög sáttir við það sem hann hefur sýnt okkur á æfingum og í leikjum. Við bindum miklar vonir við hann og Ásgeir Guðbjartsson sem framherja hjá okkur í vetur, en Geiri er búinn að vinna vel í sumar og mætir sterkur til leiks. Logi er búinn að vera í landsliðsprógrammi í allt sumar og því mætti hann til leiks í fínu formi til okkar, en hann hefur verið að bæta sig jafnt og þétt síðustu mánuði og ár og við munum gera miklar kröfur til hans í vetur. Sóknarleikur liðsins mum mikið koma til með að snúast í kringum hann og Brent. Ragnar þarf að stíga upp í vetur og hann, eins og aðrir skotbakverðir liðsins, mun koma til með að njóta góðs af hversu Brent og Logi draga til sín. Sævar Garðarsson kom til baka frá Grindavík og forvitnilegt verður að sjá hann í vetur með meiri reynslu á bakinu en áður. Svo eru það "gömlu mennirnir" Teitur og Friðrik, við ætlum að spila með á fullu í vetur og höfum við fengið til liðs við okkur Jón J. Árnason til að sjá um bekkstjórn fyrir okkur en hann er öllum hnútum kunnugur hjá félaginu. Við mætum því til leiks með lið sem ætti að geta spilað hraðan og skemmtilegan körfubolta, þetta er ágætis blanda af ungum frískum strákum og aðeins eldri og reyndari mönnum og við gerum að sjálfsögðu þá kröfu til okkar að vera með í toppbaráttunni í vetur. Deildin í vetur á vafalítið eftir að vera jöfn og spennandi en það eru nokkur lið sem eru með prýðisgóðan mannskap svo sem Keflavík, Grindavík, Haukar, KR, Tindastóll og Njarðvík og er það okkar skoðun að þetta verði liðin sem líklegust eru við toppinn í ár.
Þessi síða notar vafrakökur Lesa meira