Domino's deild kvenna hefst í kvöld · Tímabilið 2020-2021

23 sep. 2020Í dag er gleðidagur þegar Domino's deild kvenna hefst að nýju, en ekki hefur verið leiki í efstu deild síðan 11. mars 2020. Í kvöld fer fram heil umferð með fjórum leikjum. Fyrsti leikurinn hefst kl. 18:30 þegar Fjölnir og Snæfell mætast í Dalhúsum, Grafarvogi. Síðan kl. 19:15 fara svo fram þrír leikir þegar Breiðablik tekur á móti Val í Smáranum, Keflavík fær KR í heimsókn í Reykjanesbæ og síðan er það leikur Hauka og Skallagríms í Ólafssal að Ásvöllum í Hafnarfirði sem verður sýndur beint á Stöð 2 Sport. Við minnum á að áhorfendur eru leyfðir á öllum leikstöðum, en hafa ber í huga að takmarkaður fjöldi miða er í boði á hverjum leikstað.Meira

Áhorfendur leyfðir

21 sep. 2020Að höfðu samráði við yfirvöld hefur verið ákveðið að leyfa áhorfendur aftur í samræmi við gildandi tilmæli og reglur um framkvæmd æfinga og keppni aðildarfélaga KKÍ vegna COVID-19.Meira

Spá fyrir Domino's og 1. deild kvenna

18 sep. 2020Spá formanna, þjálfara og fyrirliða Domino's deildar kvenna og 1. deildar kvenna var kynnt á fundi í Laugardalnum í hádeginu í dag.Meira

Meistarar meistaranna 2020 · Skallagrímur-Valur á sunnudaginn

15 sep. 2020Næstkomandi sunnudag þann 20. september fer fram hinn árlegi leikur meistara meistaranna hjá konunum. Leikið verður í Borgarnesi á heimavelli bikarmeistara Skallagríms. Leikið er til skiptis á heimavelli Íslandsmeistara karla og kvenna, en árið 2019 fóru leikirnir fram í Valshöllinni á heimavelli Íslandsmeistara Vals. Í ár verða leikirnir stakir hjá konum og körlum og verður leikur karla sunnudaginn 27. september í Ásgarði milli Stjörnunnar og Grindavíkur.Meira

VERKLAGSREGLUR AGA- OG ÚRSKURÐARNEFNDAR KKÍ

8 sep. 20201. gr. Ákvörðunarbærni Aga- og úrskurðarnefnd KKÍ (hér eftir „nefndin“) er bær til þess að taka ákvörðun, hvort sem er vegna agamála eða kærumála, ef þrír nefndarmenn taka þátt í meðferð málsins. Þegar nefnd er ákvörðunarbær ræður meirihluti úrslitum mála. 2. gr. Skipan nefndar Formaður getur ákveðið að tiltekinn hluti nefndarinnar sinni daglegum verkefnum nefndar og venjulegum agamálum um ákveðinn tíma (hér eftir nefndur „hópurinn“). Nefndin skal ávallt vera að fullu skipuð í málum er varða úrslitakeppni meistaraflokka. Að lágmarki einn löglærður nefndarmaður skal vera hluti hópsins. Formaður skal tilnefna nefndarmann sem tekur á móti kæru frá skrifstofu KKÍ. Sá nefndarmaður ber ábyrgð á málsmeðferð hvers og eins máls (hér eftir nefndur „ábyrgðarmaður“). 3Meira

Þjálfarafyrirlestrar WABC og FIBA á næstunni · Alla þriðjudaga og fimmtudaga

2 sep. 2020Heimssamband körfuboltaþjálfara (WABC) eru samtök þjálfara undir merkjum FIBA. Þau hafa sett upp röð fyrirlestra með frábærum þjálfurum héðan og þaðan næstu 10 vikurnar sem fram fara á netinu. Fyrirlestrarnir verða næstu þriðjudaga og fimmtudaga á facebook-síðu samtakana. Þeir hefjast alltaf kl. 12:00 að íslenskum tíma (14.00 CET). Meðal þjálfara sem verða með innslög (ásamt fleirum) eru þeir Scott Brooks, Mike Brown, Sergio Scariolo, Rick Carlisle, Romeo Sacchetti, Zeljko Obradovic og Ettore Messina.Meira

Spænski körfuboltinn á Stöð 2 Sport

31 ágú. 2020KKÍ kynnir með ánægju frábærar fréttir fyrir íslenska körfuknattleiks aðdáendur en Stöð 2 Sport hefur tryggt sér sýningarréttinn að leikjum ACB, efstu deildinni í körfubolta á Spáni. Um er að ræða eina sterkustu deildarkeppni heims í körfubolta, með mörgum af sterkustu og sögufrægustu liðum Evrópu. Nægir þar að nefna íþróttastórveldin Real Madrid og Barcelona. Þrír lykilmenn íslenska landsliðsins leika með spænskum félagsliðum. Martin Hermannsson (Valencia) og Haukur Helgi Pálsson (Andorra) eru að hefja sínar fyrstu leiktíðir í ACB-deildinnni og Tryggvi Snær Hlinason hefur senn sitt fimmta keppnistímabil á Spáni og annað með núverandi liði sínu, Zaragoza. Meira

Reglugerð um ráðstafanir vegna heimsfaraldurs COVID-19

26 ágú. 2020Á stjórnarfundi KKÍ síðasta mánudag 24.ágúst samþykkti stjórn KKÍ nýja reglugerð sem hefur verið í smíðum um ráðstafanir vegna COVID-19 fyrir komandi keppnistímabil 2020-2021. Ákvæði reglugerðarinnar gilda umfram ákvæði annarra reglugerða ef grípa þarf til ráðstafana vegna COVID-19 faraldursins á tímabilinu og tekur hún gildi nú þegar. KKÍ hvetur ykkur að kynna ykkur efni þessarar nýju reglugerðar vel. Meira

Grunnnámskeið í tölfræðiskrásetningu félaga í vetur

20 ágú. 2020Þann 26. september kl. 14:00 verður haldið grunnnámskeið í statti. Markhópur námskeiðisins eru nýir stattarar, bæði skrásetjarar (input á tölvu) eða hvíslarar (callers), en reyndari stattarar sem og aðrir sem hafa áhuga á körfubolta eru velkomnir. Farið verður yfir tölfræðiskilgreiningarnar með vídjóum, tæknileg atriði varðandi frágang leikja og rennt yfir helstu atriði í stattforritinu FIBA Livestats 7. Námskeiðið fer fram á netinu í gegnum Zoom og verður ca. 2 klst. og mun Jón Svan Sverrisson mun stýra námskeiðinu og kenna ásamt því að fara yfir ýmis praktísk atriði og áherslur fyrir veturinn. Meira

Bikarkeppni 9. flokks - 32 liða úrslit

18 ágú. 2020Dregið hefur verið í 32 liða úrslit bikarkeppni 9. flokks drengja, en alls eru 28 lið skráð til leiks þetta tímabilið. Ekki var dregið í bikarkeppni 9. flokks stúlkna þar sem 16 lið eru skráð til leiks.Meira